Cara a fantasía

Xa sabedes que este sábado estou na feria del libro de Madrid ás 17.00 horas, caseta da AGE, nº 86, 

aquí vos deixo novas sobre a feira ata agora,

deixádevos envelenar!!!

A segunda fin de semana na Feira do Libro de Madrid foi un espectáculo de luz, de cores e de vida. O recinto feiral , que acolle 350 casetas, transformouse nunha festa do libro con maiúsculas. Descoñécese aínda a valoración económica do evento, pero todos os expositores coinciden no enorme éxito de público que sigue concitando o sempre acolledor e primaveral recinto do Retiro madrileño, cheo a rebosar de xente de todas as idades.

Este ano coincidiron no paseo do Duque de Fernán Núñez, catro casetas de editoriais galegas, a da AGE, a de Kalandraka Editora; a de Edicións do Cumio e Ellago Ediciones; e a de Ediciones del Viento, que compartía espazo con outra editorial.

Pola caseta da AGE, a nº 86, pasaron xa Manolo Rivas, Vicente Aragüas, Xesús Manuel Marcos, Carlos Reigosa, Miguel Anxo Murado e Alicia Hernández Luján. Todos eles atenderon ao público e asinaron exemplares das suas obras, editadas por Edicións Xerais, Editorial Galaxia, e Nova Galicia Edicións. O próximo fin de semana asinarán exemplares dos seus libros, Ana Cibeira e Luís Calvo.

Os galegos en Madrid acolleron con gran entusiasmo a presenza dos editores e mesmo fixeron suxerencias de cara a outras edicións do evento. A AGE repartiu bolsas de papel coa marca Libros de Galicia que, xunto a Galician Books, van promocionar a producción de Galicia en todos os eventos do mundo do libro. A marca será utilizada conxuntamente pola Dirección Xeral do Libro e pola AGE.

Sinaturas do 11 de xuño

17.00 Ana Cibeira asinará exemplares do seu libro Pintalabios, de Toxosoutos.

19.00 horas Luís Calvo asinará exemplares do seu libro O negro leite pintado da aurora Viaxe e xeografía lírica de Lois Pereiro, de Toxosoutos.

MÁIS sobre Toxosoutos na FdM...