Regalar é revolucionario*. Unha crista no corazón

"afeite al perro es un sello que ha conseguido que mucha gente lo siga sin renunciar a nada de lo que le gusta (...) "¿pero no lo lleva un punki de 18 años ?" (...) "Ah!!! yo pensaba que era un chaval con cresta...!"   VICTOR

Non sei se somos moitas, pero si afortunadas! A cousa empezou pouquiño a pouco, catro mozos formaron un selo para sacar os seus propios discos, movidos polo espíritu punk d.i.y. (do it yourself - faino ti mesma) armáronse de ganas e foron editando o traballo dos seus grupos: silence in music, ensaladilla rusa, bicicross, campamento ñec ñec...  participando e axudando a crear  unha escena punk en Madrid... Logo as chamas foron minguando en actitude e pouco a pouco o círculo de lume protector dese momento punk deixou saltar ós medios "seica" INDEpendentes dentro... Algunhas bandas amigas foron vivir o directo nacional, respondendo ás espectativas, a outros lares... pero  os afeitaperros tiñan as súas razóns para optar por outra experiencia artística. Así J&J formaron TETRIS, para desentoxicarse: dando entrevistas só a fanzines, e tocando na rúa; Tetris foi un proxecto "desenchufado" dos dous que quedaron na nova etapa do selo, sen pedir cartos nin aceptalos animaban as soleadas tardes da rúa madrileña (aínda que fixeron un benéfico para Ladyfest e telonearon a Chris Leo en La dinamo) e deulles tamén por regalar os seus discos: só tiñas que ir a un dos festivais raros que montaban os seus amigos para sair dalí cunha cinta feita a man ... e seica  había xente que repelía as cassettes como se foran caca, ata cara de noxo e mini empurronciño co meñique na beira da mesa lle daban... eles flipaba e sorrían, entusiasmados e borrachos... !!!


Pero a cousa pasou a máis... os trinta esperaban agatuñados con depresións e roturas amizosas detrás da porta, e así viñeron ácedos momentos para un seliño que soubo resistir ó ciclón... fortes aínda que doentes tiraron para adiante e así foron nacendo proxectos ós que se agarraron:  o  HAZ e o HASTÍO (dous fanzines de debuxos), casettes como xoguetes, concertos na casa para xs amigxs... Moita leria que  tampouco os salvou de distanciarse... apoiaron as guitarras que foran as súas armas dende a adolescencia  e o selo pasou a ser conducido por unha soa J.

*
J. quixo rompelo todo... desaprender, esnaquizar, esquecer...  producir os sons que lle daban pracer, buscarlles o ollo do labirinto, rachándoos ata o epicentro,  xogando co silencio, ofrecéndose estático no escenario berrando nunha castigadora espiral de autoflaxelación. Calou a boca, atou a voz armónica, mirou dentro, o negror buscou. Con Conrado xurdiu PULMÓN e  coa que escrebe, HUMOR VÍTREO. El so nomeouse ATOMIZADOR. Desaprender, esnaquizar, esquecer: causa ou meta desexada?



Pouco a pouco o de tocar na casa cnverteuse en  montar concertos e en participar intensamente nesta escena diminuta e subterránea pola que aposta a cegas o divertido cadelo! Pero non estando contento en solitario comezou a editar frenéticamente e a colaborar con: SUDOR, C-UTTER, TZESNE, PARALUX, ABOMINABLE FUTURO, BORU BORU, SOIZU, IBON R.G., BIKO, KAFEA ETA GALLETAK, AKAUZAZTE, e co(a)s fanzineras/os de TEMPUS FUGIT, de CORAZÓN SALVAXE (ejem!) e do fanzine CARNE.  Todas/os pasamos polas súas fauces famentas e relambidas! Ata día de hoxe no que está na rúa recén saído do forno o disco recopilatorio de SMOKING ROOM, un proxecto de María, Javi e Pablo (antigo compañeiro de afeite) que eu celebro tanto que é o pulo que me levou a escribir esta homenaxe.
Para que vexades o espírito de "afeite al perro" direivos que esta antoloxía recolle o que serían os dous discos que grabou o grupo se tivera chegado a sair da casa algún día + unha fermosa cinta que o grupo lle fixo a J. daquela, isto é, vintepico cancións dun trío que tocaba na saliña de estar, non pretendía nada e pensaba que as  cancións eran himnos persoais da fin de semana e non verdadeiras perlas de sentimentos adolescendo, que é o que son.

Se alguén por aí, polo espacio exterior coñece e gosta de FAMILY, este disco será dos seus favoritos, e isto é o impresionante, este rescate é un tesouro pop entre outros moitos do selo que normalmente traballa con músicas difíciles,  vangardistas e crípticas, pero non por iso menos interesantes e de calidade.

 Ademáis, a vertixe na que se move o selo (non hiperactivo pero si ultradinámico) é unha espiral de xente que quere participar, facer, editarse, distribuir, debuxar, montar benéficos, rebuscar na rúa a súa propia linguaxe artística, entrando en contacto directo coas mesmas que están nesa busca... e de paso compartir, celebrar, xogar! alomenos isto é o que provoca en min e no círculo dos que se achegan a este marabilloso universo canino! guau!

[...moitas somos as que pasamos húmidas e felices polas súas babas... non hai bautizo sen lambidas na casa do can...]

Discografía complementaria: no blog do Joven Fodro, RECORD COLLECTORS ARE PRETENTIOUS ASSHOLES, podedes escoitar unha mostra de algúns dos grupos de AFEITE AL PERRO. [Grazas polas reseñas e por colgar a música!]

[Fotiños: último flyer xeral do selo; flyer dun catálogo da época de Ensaladilla; portada de unha cinta de Atomizador; cartel dun concerto organizado en febreiro 2010; local de ensaio de ATOMIZADOR, HUMOR VÍTREO e BIKO; o catálogo musical desta última etata de afeitealperro ó completo -falta o catálogo gráfico, os fanzines!-]

*REGALAR É REVOLUCIONARIO, lema e proxecto de fanzine de J-Atomizador!