A pluma escura

Onte estivemos na exposición da Pluma Electri*k "The dark side of the room". Un proxecto algo segredo pola súa condición que traspasa tamén ó temático. Unha sorte poder espiar esta idea escura e chula.

Estar na súa casa é entrar nas súas cabezas: ARTE por todas partes que fala e fire; paredes e teitos sementados de acendidas alarmas vermellas. No salón, o taller onde fornean os libros. ¡Calquera que pase por alí sentirá a cambra entusiasta de vivir creando ó tocar a Aïda e Diego!

Desvelade parte do misterio aquí ¡e o resto, asistindo á próxima!

O salonciño-forno aquí e ¡nesta reportaxe!.

¡Mil gracias pola invitación, rapaces!

Pensando peixes

Acaban de sair dous libros para nen@s de Clarice Lispector en español. El conejo que sabía pensar e La mujer que mató a los peces. Eran un tema pendente-un pracerciño reservado que esta tarde tiven a sorte de darme gracias a un traballo esporádico nunha librería especializadísima en infantil. Nena de 6 a 8 anos fun, arruñando o nariz canda o coelliño, pero a verdade esperaba máis salvaxismo tipo Lispector. Máis descontrol nos fiíños caendo das mans abertas… como dixo unha amiga "¡que bruta no conto da muller que mató a los peces!" ...fala de todo tipo de mortes a nenos desta idade: as dos peixes e as dos cadeliños, a dunha moniña… describe accidentes e pelexas así de crúas porque lle gusta ser sincera cos nenos porque os respeta, dí.

Ruta punk

Nas miñas maus un disco de colegas punkeirísimos que intercambian instrumentos e funcións para dar renda solta á súa creatividade e converterse nunha mesma tarde-nunha mesma grabación en 6 grupos diferentes, o resultado do experimento: ACEITUNES FOR FUCKER (VOLUME 1). Noraboa! a edición con postercito con letras, guachafitesca explicación ficticia de cada grupo-proxecto e ata un poema de rabiosa ironía hardcoreta.

ESCORIANMAHU Ediciones
CDR (100 copias) - 2euros c/u
Pedidos a: APDO. 2576 - 28080 MADRID
caos_final@yahoo.es


A QUE OKUPA PREOKÚPASE

As reactivas rapazas da C.S. Atreu e da Casa das Atochas invíatenme a pasarme pola casa da Queerunha para coñecernos: están poñendo en marcha unha radio livre e teñen abertos numerosos proxectos. Así que anoto na miña axenda contactar con elas cando estea pola terra, pero animo a todas as que vivan en Galicia a que participen nun proxecto que polo que vexo vía lista de correo está activísimo, nun espazo (as Atochas) increiblemente acondicionado polo miúdo.

E por Madrid...

achégome á asamblea da PSO Malaya para ver que se coce alí e se podo facer radio: un proxecto soñado ó que poder dar forma en colectividade. Corren rumores de que para facer algo neste espacio hai que autoinculparse, e varios colectivos expoñen a dúbida. Ó final da reunión non nos queda claro se este é un requisito indispensable para acceder ó espazo e desenrolar proxectos sociais, pero si saimos dalí algo desencantadas, pensando que sería un sacrificio dabondo comprometido para que todo o mundo poda e queira realizalo. Están ben as premisas propias dun colectivo que asume o risco da okupación - non son quen de xulgalas- pero non todo o mundo pode entrar por esa porta e este sistema de selección si que me fai pensar.

Calquera cousiña a: nana_coromoto@hotmail.com
Invítovos a unirvos á lista de correo LAZOS PANTERA