Amosando publicacións coa etiqueta Queer. Amosar todas as publicacións
Amosando publicacións coa etiqueta Queer. Amosar todas as publicacións

luns, 20 de xullo de 2015

Aínda non teño título para algo que non é doado e doe

 Arvida Byström


Perro guardián
*
perro guardián
te la pasas ladrando
porque estás
es lleno de amor
*
Adela Pantín 


Boobaloo
 *
vienes a este mundo rojito
para hacerte rosado de amor!
es lo que hace que se mueva
este universo entero:
hacia adelante
es hacia adentro.
centro líquido sabor tuttifrutti
de chicle boobaloo
 *
Adela Pantín




Ánimos

péscala 
que está cerquita
cualquier niño con valor sabría
que la valentía tiene nombre de niña

Adela Pantín


Non é tan doado escreber todos os dias, por moito que escreba por dentro. Por moito que me veñan os versos de Miguel Anxo Fernán Vello á cabeza sobre o sangue e a neve cando estou escribindo tamén coa mente, sobre trenzas
"Trenzas coma pozas deslumbrantes,
vibrantes co sol reflexo.
Trenzas de bordes soavísimos,
coma tobogáns sedosos.
Pulcras trenzas,
disimuladas baixo o lazo azul profundo,
soterradas no lombo firme enderredor, ..."
Por moito que a miña man redebuxe trace rosme na imaxinación dun caderno inexistente unha boquiña a piques de ser fotocopiada para facer unha capa dun fanzine con ela, non non é tan doado sentar e pintar esa boca, non é tan doado como pintar os beizos no espello. E por moito que o can do lado ladre non defende nin se come o meu amor por ti, neno queer, non tragoa nada este puto can do Compostela. Si, o señor daquí o lado chámase así na miña casa porque traballaba -agora xubilado- nunha empresa de limpezas chamada así, Limpezas Compostela,  e para tocar o _____ seguro, ben seguro que era Limpiezas, para iso si, para iso, por iso, para tocar o ______ si é que ten un cadelo que ladra e ladra, non vixia, non garda de ningun ladrón que entre roubar o meu amor por ti, meu ben, porque o meu amor -é igoal!- xa non cabe dentro desta casa. O  meu amor, ti, xa non cabes dentro, co teu novo ser intanxíbel, de difuso esquelete... Ti xa non cabes nestas físicas, vellas, retrógadas catro paredes de clásica construcción binaria (para nada, pero boeno ;( ) das novas fronteiras do xénero...Porque ti, pantasmiña postmilenial, se cadra xa nin querías cruzar a portiña da entrada... se cadra ti o que queres é ser ela.

martes, 9 de xuño de 2015

Un proxecto de nenx



Do proxecto Girly


Lou Stoppard: What do you hope your work says to young women?

Arvida Byström: That everyone, regardless of gender, can be fabulous and be serious in pink, glitter, dresses and make up. And that all bodies are beautiful.


Falo co ti da túa nenez:
Ser coma unha nena Queres ser un icono loiro? Gostar do rosa Queres ser un icono loiro? Xogar con bonecos Queres ser un icono loiro? Devecer polo rol Queres ser un icono loiro? Amar a literatura Queres ser un icono loiro? Amar a imaxinación que te salva Queres ser un icono loiro? Non facerlle caso aos pais cando pasan de que sexas tan... tan... non tan feminino, pero sí tan pouco rapaz Queres ser un icono loiro? Medras medras medras medras Aínda agora queres ser un icono loiro? Porque tan guapa / tan rosada / tan chea de purpurina / tan comunicada / tan sobreexposta na rede, meu millennial, convertirate nun icono loiro. Mira a ver se che compensa ser nena.



martes, 2 de xuño de 2015

Un novo eu


Arvida Byström


Does a smile count when there’s dirt in the fingernails?
Does it count when it’s see-through?
Does it count when you can’t have it?
Is it good when it’s filthy or should we keep it clean?

November  15,  2012

Mercedes Helnwein 


Estás nun momento moi delicado

b. 

Un universo intanxible de días baleiros que non voltarán. As horas escorréganse entre as coxas do wifi. Desfruto cada parte delas como o corpo gozará da brisa de finais de Agosto, principios de Setembro, fronte ao mar. Levo un vestido branco, pertenzo á fruxe do encaixe e o vaqueiro. Poño a cazadora para sentir o tacto ao abrigarme. O pelo bate a contraluz da auga. As gaivotas berran sen tic tac. Arrólome entre a autoxestión e o paro. De bruzos os meus poros reteñen a suor de anos. A celulosa escama epiderme. Caeu a senrazón do camiño non deseñado. Isto é o que deixo tras do capital: literatura retida que non acaba de nacer. Ser libreira non é escribir


O intre é agora. Engulir e durmir coma un bebé, postparto. Non busques a xuventude neste corazón intacto. Acaba de chegar, non ten nome. Arrebolado pero so, en pé ben cedo pero insomne cada noite, aquí está a punto de nada. Non busques corazón nesta xuventude intacta. Dalle unha masaxe cardíaca á vida. Ten un novo cometido este despreguizarse e valer. Asunto delicado onde cada minuto conta. Trae coidado, auga e gasas. Vén de esquecer o que foi antes. Está a nacer, sen présa, un novo eu delicado.

venres, 15 de xullo de 2011

Drag King caseiro!














[Fotos: autorretratos travestidos; video: no cuarto a carón de onde está a ensaiar atomizador (fermosísima versión de On Some Far Away Beach de Brian Eno, non si? incrible que sexa ensaio, parece grabación agora que vexo o video!) remato a miña sesión drag kingiana...]