As amigas da radio, REBELDES SIN SOMBRA xa teñen blog... alí podedes acceder aos audios que van colgando e saber por onde se moven... noraboa rapazas, hurra!
-Un collage meu forma parte da RENDERÉN #2 (2009). Unha gozada participar neste proxecto! A revista pode atoparse aquí.
E V E N T O S
*Ferrol. Xoves, 24 de setembro, 19.00 h., Feira de Colectivos do Fervesteiro (no espazo do Festival na Avda. Mac Mahon). O colectivo Renderén apresenta o monográfico "A Civilización enferma" (onde colaborei!).
As miñas letras viron a luz no zine polpA do colectivo Humilladoiro. Despois fun publicando textos en revistas como A Xanela, Andaina, Búsola, Juglar (Málaga), Dorna, Nayagua. Revista de poesía del Centro José Hierro de Getafe (Madrid), Perfil del aire (Córdoba), Salamandria (Almería), e noutras publicacións periódicas na rede como Andar21, Biblioteca Vitual Galega, Contos ínfimos, o Espasmo das Redes Escarlata, Hiperferia (N.Y.) e a Incomunidade (Portugal)… Recitei en Poio (Poetas na rúa, 2004), Córdoba (Cosmopoética, 2006), Málaga (Transgeneración, 2007) e Madrid (Palabras habladas por La Bella Varsovia, 2009) e os meus poemas aparecen nos libros colectivos: "Transgeneración 1.0. Encuentro de jóvenes poetas españolas"(2007) e "Letras Novas (2008)".
Expuxen os meus collages colectivamente na Galería Publiart (Ourense 2003), na Ca la Dona -Certame Femart– (Barcelona, 2005), no Ladyfest (Madrid, 2006); e nas xornadas “20 Anos da Revista Andaina” (Compostela, 2003), Translittera (Compostela, 2005), no festival Poetas por Km2 con Elena Medel (Madrid, 2006) e no último número da publicación Renderén (2009).
Son parte do grupo HUMOR VÍTREO, e da editora de fanzines CORAZÓN SALVAXE.
Antoloxía (+CD) da sección *letras novas* do xornal "Inforxove" editado pola AELG & D.X.de Xuventude e Solidariedade. Aparecen os meus "Zapatiños motor" e "Estética polar"